RaceRunning fyri øll

Sunnudagin 2. Juni kl 16, skipar Parasport Føroyar fyri felags RaceRunning venjing fyri øll.Hetta verður skipað sum ein felagsvenjing fyri tey ið hava RaceRunning súkklur, og tey ið ikki hava súkklu kunnu sleppa at royna eina at vita um hetta er nakað fyri tey.Parasport Føroyar hevur avtalu við venjara ið leggur til rættis venjing til tey ið ynskja at iðka regluliga, og eisini eru nakrar súkklur ið kunnu fáast til láns.Racerunning gevur fólk við rørslutarni, sum annars bert kunnu flyta seg við el-koyristóli, koyristóli ella gongurollator, møgulleika at flyta seg við egnari megi, og gevur sjálvt teimum ið eru ringast fyri eina kenslu av at flyta seg frítt og renna.Ynskir tú at vita meir, kanst tú lesa á www.racerunning.dkSeinni í summar verður ein Racerunning kapping í Føroyum, men tey ið gera nakað við ítróttin hava eisini við tíðini møguleika at luttaka á venjingarlegum og kappingum uttanlands.Um tú hevur spurningar um Racerunning, so kanst tú venda tær til Parasport 217975, ella parasport@parasport.foTiltakið er ókeypis