Fótbóltur

Fótbóltur er størsta ítróttargrein í heiminum, og verður fótbóltur fyri fólk við menningartarni eisini íðkaður í Føroyum.

Í 2015 vóru Special Olympics World Games í Los Angles, og bar á fyrsta sinni í samstarvi við Fótbóltssambandið Føroyar til at senda eitt lið til kapping.

Síðani hetta hevur Parasport javnan skipað fyri regluligum úttøkuvenjingum, og eisini luttikið í kappingum m.a. í Íslandi.

Sjalvsagt eigur tað at bera til at spæla fótbólt úti í vanligu feløgunum hóast ein hevur .t.d. menningartarn.

Eisini hava kvøldskúlin í Klaksvík, Tórshavnar kvøldskúli og kvøldskúlin á Nesi fótbólt fyri fólk við meningartarni á teirra vetrarskrá.

Special Olympics Føroyar (ið er deild undir Parasport Føroyar) skipar fyri úttøku og felagsvenjingum, og úttekur lið til kappingar í útlandinum.

Um tú ert áhugaður at koma til úttøku og felagsvenjing er neyðugt at tú setur teg í samband við Parasport Føroyar fyri at vit kunnu geva tær boð tá tiltøk eru.

Fótbóltur verður flokkaður í trýggjar ymiskar flokkar, fótbóltur fyri fólk við menningartarni (ella Special Olympics fótbóltur), CP fótbóltur (fótbóltur fyri fólk við spastiskum lammilsi) og koyristólsfótbóltur.

Vit hava í Føroyum bert lið fyri fólk við menningartarni. (2017)